Internship ne Shqiperi, Informacione

Gjatë vitit 2008 ANDE-LM® zgjeroi aktivitetin e saj duke kontribuar me një shërbim të ri në tregun shqipëtar të punës: Praktikat e punes, ose ndryshe internshipe.
Regjistrimin në këtë sistem mund ta bëni përmes faqes së internetit www.ande-lm.com. Ky është vendtakimi elektronik për të gjitha kompanitë dhe organizmat e tjera që ofrojnë praktika pune me profesionistët e rinj dhe studentët. Pra, sistemi funksionon si urë lidhëse midis punëdhënesit dhe punëmarrësit.
Faqja e rrjetit www.ande-lm.com ju ofron shansin e njohjes me tregjet botërore te punës. Në sistem janë rreth 22.000+ kompani të regjistruara të cilat ofrojnë praktika pune në 200 profesione të ndryshme. Përmes këtij sistemi mund të vëzhgoni vendet vakante për internship, përmes një sistemi kërkimi shumë praktik, të thjeshtë dhe efikas.
Sistemi ka një program përditësimi shumë korrekt, e ndër të tjera garanton ruajtjen e të dhënave tuaja personale si dhe të kompanive, duke bërë të sigurt që informacioni i dhënë të jetë i saktë dhe i përshtatshëm. 
Në stafin e ANDE-LM® bëjnë pjesë ekspertë ligjorë, financiarë, teknikë dhe të komunikimit të cilët janë në çdo moment të gatshëm për të realizuar të gjitha projektet me sukses. E ky kombinim i teknologjisë me burimet njerëzore garanton që programi i internshipit të jetë një ndër më prioritaret e kompanisë.

KOMPANITE

“Kjo është ajo çka i kishte  munguar Departamentit të Burimeve Njerëzore!”
Për ju biznese të cilat operoni në tregun shqipëtar, agjensia ANDE-LM® ofron kërkimin dhe rekrutimin e personelit tuaj në mënyrë elektronike. Përfitimet që ju si kompani do te keni përmes bashkpunimit me ANDE-LM® janë të shumta, duke filluar nga evitimi i listave të CV-ve te shumta,  deri te përzgjedhja e lehtë dhe transparente e kandidatit apo kandidatëve që përmbushin kriteret tuaja.
Këtë shërbim ANDE-LM® e ofron falë database-it që ajo disponon dhe me eksluzivitetin që ajo mban në rajon.  Duke e vendosur në shërbim të bisnezeve shqipëtare dhe ato te rajonit ajo i mundëson kompanisë suaj të regjistroheni në këtë sistem përmes faqes së internetit www.ande-lm.com , ku gjithcka është online. Ky sistem funksionon si urë lidhese elektronike midis punëdhënësve dhe punëmarrësve.
Duke e rregjistruar kompaninë tuaj në këtë sistem dhe duke publikuar kriteret e vendit vakant për internship ju mund të zgjidhni potencialin që do ti vijë në shërbim bisnesit tuaj. Njohurite akademike dhe pregatitja e kandidatëve të zgjedhur do të jenë hyrja e re në biznesin tuaj, që do të mësojë prej jush detajet e punës e ju prej tij, të diplomuarit më të rinj brenda dhe jashtë vendit. Në pozicionet e publikuara kanë akses mbi 70.000 studentë nga e gjithë bota. Pra, ju mund të bëni një përzgjedhje jo vetëm sipas kualifikimeve që profesionistët e rinj kanë por edhe sipas kombësive që ata mbajnë.
Avantazhet e rregjistrimit në sistem përfshijnë:
1)    Mundësinë të keni akses në kontaktet e të gjithë kompanive të regjistruara në sistem
2)    Mundësi reale bashkëpunimi me këto kompani dhe institucione
3)    Gjetja furnitorësh të rinj për biznesin tuaj
4)    Gjetja e tregjeve të reja
5)    Shkembime eksperiencash dhe stafesh me kompani të ngjashme
6)    Mundësi për të reklamuar aktivitetin dhe produktet tuaja
7)    Lehtësime në taksa dhe çështje ligjore nga qeveria shqiptare
8)    Kontribut i paçmuar në zgjerimin e horizonteve të reja të biznesit, duke ndihmuar në procesin e zhvillimit praktik të studentëve dhe profesionistëve të rinj

FAKTE:

Numri i kompanive të kontaktuara deri tani ka kaluar shifrën 150, dhe përfshijnë të gjithë sektorët e ekonomisë shqiptare. Përmendim në veçanti sektorët e industrisë, financës, shërbimeve (transport, distribucion, marketing, etj), teknologjisë së informacionit dhe komunikimit, arsim e shumë të tjera. Një pjesë e madhe e tyre kanë shprehur interes për bashkëpunim me ne në të ardhmen, dhe shumë shpejt do jenë ndër partnerët tanë kryesorë.

SI TE VEPROSH:

Këshilla për një praktikë internshipi brenda kompanisë suaj:
•    Bëni një inventar të punëve dhe detyrave ekstra të cilat mund të kryen nga një praktikant internshipi.
•    Vendosni cili person nga stafi juaj do të shoqërojë të trajnuarin, dhe kujdesuni që ky person të jetë i përfshirë në fazën e seleksionimit të praktikantit të ri.
•    Ju duhet më tepër se një praktikant në vit? Atëherë merni dy praktikantë ç’do vit, dhe sigurohuni që praktikanti i dytë të fillojë internshipin 1 muaj para përfundimit të internshipit të praktikantit të pare. Në këtë mënyrë praktikantët do të mund të instruktojnë njëri-tjetrin dhe kjo do t’ju ndihmojë të keni më shumë kohë në dispozicion.
•    Informoni kolegët dhe stafin tuaj për datën dhe detyrat që do të marë përsipër praktikanti i ri.
•    Organizoni takim 1 herë në muaj me praktikantin, për të parë progresin e tij dhe për ta këshilluar.
•    Në nivel ndërkombëtar, mbi 20% e praktikantëve punësohen me kohë të plotë në kompaninë ku po kryejnë internshipin. Të punuarit me praktikantë ju jep mundësinë të njihni më nga afër kandidatët më të mirë, për punësim të plotë që mund ti nevojiten kompanisë suaj.
•    Jepini mundësi praktikantit, që në fund të trajnimit të japë përshtypjet e tij mbi eksperiencën, gjërat që ka mësuar, problemet që ka vërejtur dhe këshillat që mund të ketë.
Vendosja e nje vendi vakant per internship:
•    Emri i internship-it: Vendosni një emër që të jetë sa më tërheqes për studentet, si përshembull: “internship në marketing”
•    Informacion mbi internsip-in: Përshkruani në mënyrë të detajuar aktivitetet që internship-i do të përmbajë, në cilin department do të punojë studenti, cilat do të jenë detyrat, dhe se çfarë lloj studenti po kërkoni.
•    Kohëzgjatja e internship-it: Kohëzgjatja mesatare për një internship është midis 3 dhe 6 muaj.
•    Kohëzgjatja sipas llojit të trajnimit: Eksperiencë pune (studentë të vitit të 2-të dhe të tretë): i trajnuari ndihmon brenda departamentit. Tezë diplome (viti i fundit i studimit): i trajnuari punon në formë të pavarur për periudhën e internshipit. Studenti bën kërkime dhe analiza, dhe jep rekomandimet e tij në një raportim final. 
•    Kompensimet per internship-in: Ju jeni ata që zgjidhni nëse do ti shpërbleni kandidatët tuaj në formë monetare ose jo.
•    Numri i ditëve: Pjesa më e madhe e praktikantëve të internshipit punojnë 5 ditë në javë, dhe disa studentë mund të jenë duke ndjekur njëkohësisht studimet.
•    Informacione shtesë: Tek informacionet shtesë mund të përshkruani cilësitë që kërkoni prej kandidatëve tuaj, nëse sistemi i transportit i ndihmon studentët të arrijnë lehtë në ambjentet tuaja, apo nëse studentë të degëve të tjera janë të ftuar të aplikojnë.

UNIVERSITET

“Suksesi i një Universiteti dëshmohet më së miri përmes arritjeve të studentëve të tyre pas diplomimit. Ajo çka ju duhet zyrave tuaja të karrierës është një partner si ANDE-LM®”.
Universitetet e akredituara ne Shqipëri, publike ose jo-publike, do të gjejnë tek ANDE-LM® një partner shumë të dobishëm dhe të rëndësishëm. Ne jemi të bindur se përmes nesh zyrat e karrierës pranë fakultetit tuaj do të jenë një burim informacioni të vyer për cilindo student që dëshiron të kryejë një internship brenda apo jashtë Shqipërisë.
Duke hyrë në partneritet me ne, ju drejtues të Universiteteve do të keni mundësinë e një kontrate falas, përmes së cilës web-i juaj zyrtar lidhet me faqen tonë të internshipeve: www.ande-lm.com. Kjo është një mundësi e shkëlqyer që i ofrohet 100 Universiteteve të para nga e gjithë bota që duan të hyjnë në partneritet me ne.
Gjithashtu, përmes networkut të internshipeve ju mund të reklamoni diplomat tuaja universitare, notat dhe kreditet tuaja, mund të hyni në kontakt të drejtpërdrejtë me firma dhe kompani ndërkombëtare për qëllime sponsorizimi, rekrutim studentësh si dhe reklamim të paketave tuaja të punësimit dhe kurseve të trajnimit.
Ndër avantazhet kryesore për Universitetin tuaj përmenden rregjistrimi i lehtë, pa kosto dhe i pa-limituar në kohë, shanse për të rekrutuar studentë dhe profesorë nga e gjithë bota, për trajnime apo kurse përgatitore, lidhje direkte me Universitete të ngjashmë nga e gjithe bota, listimin e studentëve tuaj më te sukseshshëm dhe kurrikulave ashtu si edhe paketat e punësimit për kompani brenda dhe jashtë Shqipërisë.
Një nga ofertat më speciale është edhe ajo e reklamimit të Universitetit tuaj në faqen tonë, e cila në shkëmbim të një tarife modeste do e prezantojë institucionin tuaj përpara 6000 klikimeve të bëra çdo minutë nga e gjithë bota.
Vizitoni faqen www.ande-lm.com për të parë sistemin dhe për tu njohur me ato çka ANDE-LM® ju ofron.